Portuqaliya Fransaya qalib gələrək Avropa çempionu oldu – FOTO – VİDEO
Fransada keçirilən futbol üzrə Avropa çempionatının final oyunu keçirilib.
1news.az-ın məlumatına görə, həlledici görüşdə Portuqaliya ilə meydan sahibləri Fransa üz-üzə gəlib.
Fransa millisi matça fəal başlasa da, rəqib qapısına yol tapa bilməyib. Görüşün 17-ci dəqiqəsində portuqalların kapitanı Ronaldo Payetlə mübarizədə dizindən zədələnərək meydanı yarımçıq tərk etməsi də fransızların işinə yaramayıb.
Oyunun əsas hissəsi qolsuz bərabərliklə başa çatdığından komandalar daha 30 dəqiqə mübarizə aparçalı olublar.
Görüşün taleyinə də elə əlavə olunmuş vaxtda aydınlıq gəlib. Belə ki, matçın 109-cu dəqiqəsində Ederin vurduğu qol həlledici olub və Portuqaliya qitə çempionu adına yiyələnib.
Avropa çempionatı
Final
10 iyul
Portuqaliya - Fransa - 1:0 (əlavə vaxt)
Qol: Eder, 109
Baş hakim: Mark Klattenburq
Yan xətt hakimləri: Simon Bek, Cek Kollin
Əlavə köməkçi hakimlər: Entoni Teylor, Andre Marriner (hamısı İngiltərə)
Dördüncü hakim: Viktor Kaşşai (Macarıstan)
Ehtiyat yan xətt hakimi: Qyorgi Rinq (Macarıstan)
UEFA nümayəndələri: Yanis Mezekis (Latviya), Julien Olbert (Fransa)
Sen-Deni. “Stad de Frans”
1news.az
