Norm Sement media nümayəndələri və müştəriləri üçün iftar süfrəsi təşkil edib

Müqəddəs Ramazan ayı münasibətilə Norm Sement 15 və 16 iyunda öz müştəriləri və media nümayəndələri üçün iftar süfrəsi təşkil edib.

İftarda Norm sementlərinin pərakəndə satışını həyata keçirən dilerlər, Norm Ustalar Klubunun Bakıdan olan üzvləri daxil olmaqla 300-ə yaxın müştəri iştirak edib. 

İftar süfrəsi İslamın birliyini, bu dinin sülhə və əmin-amanlığa verdiyi önəmi vurğulayır. Bu müqəddəs ayda şirkət öz müştəriləri, eləcə də media nümayəndələri ilə bir araya gələrək onlarla həmrəy olduğunu nümayiş etdirib.

İftar zamanı şirkət nümayəndələri müştərilərlə tək-tək görüşərək onlarla söhbət edib. Müştərilər isə Norm Sement tərəfindən onlara göstərilən diqqətə görə təşəkkürlərini bildiriblər. 

Şirkətin ənənə halı almış belə tədbirləri müştərilərə qayğı və diqqətin göstəricisidir.

16 iyunda açılan iftar süfrəsində kütləvi informasiya vasitələrindən 40-a yaxın nümayəndə iştirak edib.

Şirkət nümayəndələri iftar süfrəsində iştirak edən qonaqları salamlayıblar və onlara tədbirdə iştirakına görə təşəkkürlərini bildirərək xoş arzularını çatdırıblar.

Günümüzdə medianın cəmiyyətin inkişafında rolu danılmazdır. Media xalqımızın ictimai həyatında mühüm rol oynayaraq, cəmiyyəti məlumatlandırmaq, maarifləndirmək kimi mühüm funksiyaları yerinə yetirir. Media nümayəndələri ilə görüşlərin təşkili Norm Sementin ictimaiyyətlə səmimi münasibətini nümayiş etdirir və şirkətlə kütləvi informasiya vasitələri arasında olan bağların daha da möhkəmlənməsinə xidmət edir.

Norm Sement öz sektorunda daim yeniliklərə imza ataraq qısa müddətdə həm müştərilərinin, həm də media nümayəndələrinin rəğbətini qazana bilib. Şirkət Müqəddəs Ramazan ayı münasibətilə bütün Azərbaycan xalqını təbrik edir, hər kəsə Uca Allahdan sülh və bərəkət diləyir!

İstehsal gücü gündə 5 min ton klinker, ildə isə 2 milyon ton sement təşkil edən Norm Sement zavodu Cənubi Qafqazın ən böyük sement zavodudur.

Zavodda hal-hazırda dörd çeşiddə – CEM II/A-P 32,5R, CEM II/B-L 32.5R və CEM II/A-P 42,5 R, CEM II/A-P 42,5 N (SDPS 500 Ə-20) – sement istehsal olunur. Bu sement növləri müvafiq olaraq KLASS A, KLASS B, KLASS C500 və KLASS S adı ilə satışa çıxarılır.

Məhsullara Almaniyanın VDZ Elmi-Tədqiqat İnstitutu tərəfindən DIN EN 197-1:2011 standartına müvafiq olaraq uyğunluq sertifikatları təqdim olunub.

Reklam hüququnda