İki qadın Azərbaycanda və Türkiyədə ərə getdikləri kişiləri zəhərləyərək öldürüblər - FOTO | 1news.az | Xəbərlər
Cəmiyyət

İki qadın Azərbaycanda və Türkiyədə ərə getdikləri kişiləri zəhərləyərək öldürüblər - FOTO

15:52 - 28 / 04 / 2017
İki qadın Azərbaycanda və Türkiyədə ərə getdikləri kişiləri zəhərləyərək öldürüblər - FOTO

Türkiyənin Bolu şəhərinin məhkəməsi Azərbaycanda ərlərini zəhərləyib öldürən və daha sonra bu ölkəyə gedib azı iki nəfəri eyni üsulla o dünyaya göndərən iki azərbaycanlı qadının məsələsini araşdırır.

1news.az virtualaz.org -a istinadən xəbər verir ki, Məhəbbət Ç. və Gülarə S. adlı qadınların əleyhinə əvvəllər onlarla tanışlıq münasibətlərində olan Ayla D. adlı qadın ifadə verib.

Onun bildirdiyinə görə, Gülarə S. Boluda Türkiyə vətəndaşı olan Niyazi S. adlı şəxsə ərə gedib, sonradan onu zəhərləyərək öldürüb. Məhəbbət Ç. isə Kastamonuda ərə getdiyi Türkiyə vətəndaşını eyni üsulla aradan götürüb.

Bolu Ağır Cəza Məhkəməsində ifadə verən Ayla D. deyib ki, birinci zəhərləmə hadisəsi 2013-cü ildə baş verib. Gülarə xəstə olan Niyazi S.-ə baxmaq üçün onun yanında işə başlayıb. Daha sonra onunla evlənib. Daha sonra Gülarə onun kimi Türkiyədə xəstə baxıcısı olan Məhəbbət adlı qadınla plan quraraq Niyazi S.-nin yeməklərinə noradol adlı dərmandan az-az qatmağa başlayıb, onun zəhərlənməsinə səbəb olub. Niyazi S.-ə bir ildən sonra Alzeymer xəstəliyi diaqnozu qoyulub və o, ürək tutmasından ölüb.

Həmin vaxtlar Gülarə və Məhəbbətlə rəfiqə olan Ayla D. özünün dediyi kimi "vicdan əzabı çəkərək" Niyazi S.-in zəhərləndiyi barədə onun Boluda yaşayan övladlarını məlumatlandırıb, qadınların bu işdən pul qazandıqlarını deyib. Nəticədə Niyazi S.-in övladları atalarının ölümünü şübhəli hesab edərək şikayət veriblər.

İttihamla bağlı Gülarə və Məhəbbət Bolu Ağır Cəza Məhkəməsində dindirilib, deyilənləri rədd edib. Lakin Ayla D. ilk dəfə məhkəmə qarşısına çıxaraq ifadə verib və dediklərinin "tam arxasında olduğunu" bildirib.

"Mən Məhəbbət Ç. ilə Ankarada xəstəxanada tanış olmuşdum. İkimiz də tənha yaşayan qadınlar idik. Rəfiqə olduq, bir-birimizə gedib-gəlməyə başladıq. Bir gecə Məhəbbətin telefonuna zəng gəldi, o qəfildən qışqırmağa başladı. "Məni yaxalayacaqlar" dedi. Nə baş verdiyini soruşdum. Azərbaycanda xəstəxanalardan birində baş tibb bacısı işlədiyini, öz ərini və daha bir neçə nəfəri də bu şəkildə zəhərləyib öldürdüyünü mənə danışdı", - qadın ifadəsində bildirib.

Ayla D. ifadəsində deyib ki, Məhəbbət ona tək yaşamaqdan əl çəkməyi və evlənməyi təklif edib. "Dedi ki, Kulada Hacı deyilən bir adam var. Kulanın yarısı onundur. Gəl səni onunla evləndirək. 3 ay içində zəhərləyib öldürərik, mirası da sənin olar. Bu təklifdən sonra mən Məhəbbəti döyərək evimdən qovdum", - qadın məhkəməyə deyib.

Ayla D. bu əhvalatdan sonra Məhəbbətlə görüşmədiyini bildirib. Deyib ki, Məhəbbətin rəfiqəsi Gülarə S.-in də ərini zəhərləyərək öldürdüyünü eşidəndə vicdan əzabı çəkib, dərhal Niyazinin Boludakı övladlarına zəng edib. "Bunun əvəzində onlardan pul-filan istəmədim. İki Türkiyə vətəndaşını öldürdülər. Mən şikayət etməsəm kim bilir daha neçə nəfəri öldürəcəkdilər", - o bildirib.

Ayla D.-nin dediyinə görə şikayət edəndən sonra bəzi adamlar onunla əlaqə saxlayaraq şikayətini geri götürməsi üçün 50 min TL təklif ediblər. O isə qəbul etməyib:

“Gəlib burada bizim vətəndaşlarımızı öldürürlər. Məhəbbət Ç.-nin Kastamonuda ərin öldürdükdən sonra Atilla adlı şəxslə İstanbula getdiyini öyrəndim”, - o deyib.

Məhkəmədə təsdiqlənib ki, Məhəbbət Ç.-nin Kastamonudakı əri Mehmet Ç. də Niyazi S. kimi Altzeymer xəstəliyinə tutulub, ürək tutmasından ölüb. Bu haqda həkim rəyi məhkəməyə təqdim edilib. O da məlum olub ki, Məhəbbət Ç. Kastamonudakı ərinin ölümündən sonra qoşulub İstanbula getdiyi Atilla adlı Türkiyə vətəndaşı da 2015-ci ildə müəmmalı şəkildə ölüb. Lakin ölüm səbəbi hələ müəyyən olunmayıb.

1news.az

Paylaş:
4666

Son xəbərlər

İki ali məktəbə prorektor təyin edilibBu gün, 17:58Himayədar ailə olma zamanı tibbi müayinə pulsuz olacaqBu gün, 17:51Qubanın bir hissəsinin qaz təchizatında fasilə yaranacaqBu gün, 17:466 aylıq körpə bacısının dırnağını ağzına saldı, xəstəxanalıq olduBu gün, 17:37Əməkdar artist Rahib Əliyev vəfat edibBu gün, 17:28CAR lideri Prezident İlham Əliyevi təbrik edibBu gün, 17:21Taksilərlə bağlı tələblər müəyyənləşdi - 15 il, kamera, “avro-5”, elektrik mühərrikli - ŞƏRTLƏRBu gün, 16:47Bakı ətrafında dəmir yolu ilə sərnişindaşımaya subsidiya verilməsi qaydaları təsdiqlənibBu gün, 16:34Taksi minik avtomobilləri ağ və ya qırmızı rənglərdə olacaqBu gün, 16:21Builki bayram günlərində yol qəzalarında ölüm faktı 36 faiz azalıbBu gün, 16:06“Azərbaycan Sənaye Bankı” tələbləri pozdu, AMB məcburi sərəmcam verdiBu gün, 15:57FHN və ADY birgə təlim keçirib - FOTO - VİDEOBu gün, 15:34Vilayət Eyvazov Şamaxıda vətəndaşları qəbul edibBu gün, 15:18Bayram günlərində “Azərpoçt”un xidmətlərindən 400 mindən çox vətəndaş istifadə edibBu gün, 15:08“YAŞAT” Fondu müharibə əlilinə dəstək veribBu gün, 14:36“Azərişıq” Göyçayda yenidənqurma işlərinə başlayıb - VİDEOBu gün, 14:30Ekspert taksi islahatlarından danışdı: Birdən-birə 40 min nəfəri işsiz qoymaq doğru deyilBu gün, 14:29Könül Nurullayeva: “ABŞ-Ermənistan-Avropa İttifaqı hərbi paktı regionda sabitliyə, sülhə qarşı yönəlib”Bu gün, 14:13Azərbaycanda 23 yeni narkotik vasitə qadağan edilmiş maddələrin siyahısına əlavə olunduBu gün, 13:23Bakı şəhər “Lifttəmir” İB-nin direktoruna şiddətli töhmət verilib, 2 nəfər vəzifəsindən kənarlaşdırılıbBu gün, 13:10
Bütün xəbərlər