Azərbaycanda bəzi tibbi arayışlar elektronlaşdırılıb - TƏLİMAT | 1news.az | Xəbərlər
Cəmiyyət

Azərbaycanda bəzi tibbi arayışlar elektronlaşdırılıb - TƏLİMAT

Qafar Ağayev16:41 - 26 / 04 / 2024
Azərbaycanda bəzi tibbi arayışlar elektronlaşdırılıb - TƏLİMAT

Azərbaycan Respublikasının Prezidenti cənab İlham Əliyevin 2023-cü il avqustun 1-də imzaladığı “Dövlət orqanları arasında sənəd mübadiləsinin elektronlaşdırılması haqqında” Fərmana əsasən dövlət orqanlarında kargüzarlığın aparılması sahəsində qabaqcıl informasiya və kommunikasiya texnologiyalarından istifadə olunmaqla “kağızsız hökumət”ə keçid prosesi sürətləndirilib, rəqəmsal idarəçilik tətbiq olunmağa başlayıb.

1news.az xəbər verir ki, Vətəndaşlar üçün tibbi xidməti daha çevik və əlçatan etmək üçün TƏBİB-in tabeliyində olan bütün tibb müəssisələrində elektronlaşma və informasiya texnologiyalarının tətbiqi uğurla həyata keçirilir. Bu sahədə aparılan işlərin tərkib hissəsi kimi “İşə qəbul olunanlar üçün”, eləcə də “Sürücülüyə yararlı olmaq barədə” tibb arayışlar elektronlaşdırılıb.

May ayının 1-dən etibarən hər iki tibbi arayışı elektron formada tibb müəssisələrindən rahat və operativ şəkildə əldə etmək mümkün olacaq. Artıq Bakı şəhərindəki 14 tibb müəssisəsində, Bakı Baş Səhiyyə Mərkəzinin tabeliyindəki poliklinikalarda, o cümlədən 56 rayon mərkəzi xəstəxanasında elektron arayışları almaq üçün zəruri infrastruktur qurulub, resurslar formalaşdırılıb, aidiyyəti üzrə personal təlimlər keçib və prosesə adaptasiya mərhələsi uğurla başa çatdırılıb.

Elektron tibbi arayış xidmətinin təqdimatı ilə bağlı TƏBİB-in İcraçı direktoru Vüqar Qurbanovun, TƏBİB-in tabeliyindəki "Rəqəmsal Tibbi Həllər" MMC-nin, Azərbaycan Respublikasının Daxili işlər, Əmək və əhalinin sosial müdafiəsi, Elm və təhsil nazirliklərinin, eləcə də media nümayəndələrinin iştirakı ilə brifinq keçirilib.

Tədbiri giriş sözü ilə açan TƏBİB-in İcraçı direktoru Vüqar Qurbanov ölkəmizdə informasiya-kommunikasiya texnologiyalarının inkişaf etdirilməsi, xüsusən də dövlət xidmətlərinin elektronlaşdırılması sahəsində yeni bir mərhələ başlandığını qeyd edib. O, səhiyyə sahəsində rəqəmsallaşdırılmanın, tibdə innovativ texnologiyaların tətbiqi prosesinin əhəmiyyətindən danışıb.

“Hazırda TƏBİB-in tabeli tibb müəssisələrində ən çox müraciət olunan arayışlar - işə, təhsil müəssisələrinə qəbul zamanı və sürücülük vəsiqəsi əldə etmək üçün tələb olunan tibbi arayışlardır. 2023-cü ərzində 28 893 nəfərə “Ali məktəblərə, kolleclərə, liseylərə daxil olan abituriyentlər və işə qəbul olunanlar üçün”, 4 404 nəfərə isə “Sürücülüyə yararlı olmaq barədə” tibb arayış təqdim olunub.

Uzun müddət TƏBİB-in Daxili işlər, Əmək və əhalinin sosial müdafiəsi nazirlikləri ilə əməkdaşlığı çərçivəsində artıq elektron arayışlar müvafiq alt sistemlərə inteqrasiya olunub. Hazırda Elm və Təhsil Nazirliyi ilə ali məktəblərə, kolleclərə, liseylərə qəbul olunan abituriyentlər üçün də sağlamlıq arayışları elektronlaşdırılır” - deyə Vüqar Qurbanov qeyd edib.

Tədbirdə çıxış edən DOST Rəqəmsal İnnovasiyalar Mərkəzinin direktor müavini Vüsal Məsiyev isə “elektron hökumət” və “kağızsız hökumət”ə keçidlə bağlı görülən işlər barədə ətraflı məlumat verib, müxtəlif dövlət qurumlarında vətəndaşların informasiyalarının elektronlaşdırılmasının önəmini diqqətə çatdırıb:

“Biz artıq 16-17 dövlət qurumu ilə bu istiqamətdə işlər aparmışıq, məlumatları inteqrasiya etmişik. Sağlamlıq barədə arayışlarının da elektronlaşdırılması kağız daşıyıcılardan istifadəni azaldacaq. Bu, “yaşıl dünya” naminə də böyük töhfə verir”.

Elm və təhsil nazirinin müavini Həsən Həsənov çıxışında arayışların elektronlaşdırılmasının vətəndaşlara xidmət çərçivəsində xüsusi önəm daşıdığını bildirib:

“Hər il təkcə ali məktəbə qəbul olunan 65 mindən çox abituriyent arayış təqdim edir. Bütün bu arayışları bir-bir çap variantda araşdırmaq nə qədər vaxt itkisinə səbəb olurdu. Biz bu prosesi nə qədər sürətli etsək, vaxta da qənaət etmiş olarıq. Bu prosesin elektronlaşması vətəndaşların keçəcəyi prosesin daha rahat və şəffaf olmasına imkan yaradacaq”.

"Rəqəmsal Tibbi Həllər" MMC-nin direktor müavini Misirxan Sadıqzadə isə elektron tibbi arayışlar barədə təqdimatla çıxış edib. Tibbi arayışların elektron tərtibatı, eləcə də onların elektron formada necə əldə olunması qaydasına dair geniş məlumat verib:

“Tibbi arayış almaq üçün olan yeni sistem hər zamankından daha sürətli olacaq. Vaxta qənaət etmək mümkün olacaq. Yeni elektron sistem tələblərə daha uyğundur, vətəndaşlar üçün daha əlçatandır. Aidiyyəti dövlət qurumları ilə də inteqrasiya olunub. QR kodla məlumatlar əldə edilərək arayışların etibarlılığı yoxlanılır”.

Qeyd olunub ki, elektron arayışlar kağız daşıyıcı ilə eyni hüquqi qüvvəyə malikdir.

Elektron tibbi arayışların əldə olunması ilə bağlı TƏLİMAT

Ø İşə qəbul olunanlar və ali məktəblərə, kolleclərə, liseylərə daxil olan abituriyentlər üçün sağlamlıq haqqında arayış

Ø Sürücülük vəsiqəsinin əldə edilməsi üçün təqdim edilən sürücülüyə yararlı olmaq haqqında tibbi arayış

Vətəndaşların elektron tibbi arayışı əldə etmələri üçün keçməli olduqları proses bunlardır:

  • Tibb müəssisəsinə ilkin müraciət
  • Laborator analizlərin verilməsi
  • Həkim qəbullarından keçmək
  • Arayışın hazır formasının şəxsi kabinetdən və mobil tətbiqdən əldə edilməsi
  • Təsdiqlənmiş arayışın etibarlılıq müddəti ərzində istənilən müəssisəyə təhvil verilməsi

Daha sonra:

  • İstifadəçilər “E-TABİB” mobil tətbiqi və “kabinet.its.gov.az” veb-səhifəsinə daxil olaraq qeydiyyatdan keçməlidirlər.
  • “Şəxsi kabinet”ə daxil olduqdan sonra QR kod vasitəsilə sağlamlıq və sürücülüyə yararlı olmaq haqqında tibbi arayışları elektron əldə edə biləcəklər.
  • Elektron çap formanın üzərində olan QR kodu oxudaraq açılan veb-səhifədə arayışın qüvvədə olma müddəti və ümumi məlumatların yoxlayaraq PDF formatı yükləyə biləcəklər.
Paylaş:
201

Son xəbərlər

Azərbaycan Türkiyə ilə KOB sahəsində əməkdaşlığın genişləndirilməsinə dair 2 anlaşma memorandumu imzalayıbBu gün, 15:22Bakı kənd və qəsəbələri arasında ll minifutbol turnirinin qalibi bəlli olubBu gün, 15:17Ordubadda qaya uçqunu baş verib - FOTOBu gün, 14:57Cəbrayıla ilin sonunadək yüzlərlə ailə köçürüləcəkBu gün, 14:11İcma: Fransadan regionda vəziyyəti gərginləşdirməməyi və sülhə maneə olmamağı tələb edirikBu gün, 13:44Lənkəranda saxlanılan narkokuryerdə 22 kq marixuana aşkar olunubBu gün, 13:31Səfir: Amerika şirkətləri COP29-da iştirakda maraqlıdırBu gün, 13:22Kamaləddin Qafarov: “Bolqarıstan Azərbaycan üçün strateji əhəmiyyətə malik ölkədir”Bu gün, 12:47Sabah Bakının bəzi yollarında hərəkət məhdudlaşdırılacaqBu gün, 12:32Bakıda Azərbaycan və Bolqarıstan işgüzar dairələrinin görüşü keçirilibBu gün, 12:26Sabah 25 dərəcə isti olacaq - ProqnozBu gün, 12:09Xırdalan 0.0 Futbol Millisinin alkoqolsuz sponsoru oldu - FOTOBu gün, 12:07İncəsənət xadimlərinə Azərbaycan Prezidentinin mükafatları verildi - ADLARBu gün, 11:54Şahdağa qar yağıb - Faktiki havaBu gün, 11:22İlham Əliyev və Mehriban Əliyeva faşizm üzərində Qələbə uğrunda həlak olan azərbaycanlıların xatirəsini ehtiramla anıblarBu gün, 11:06İsrail XİN-in siyasi direktoru Həzi Aslanovun abidəsini ziyarət edibBu gün, 10:21Ötən gün vətəndaşlardan götürülən silahların sayı açıqlanıbBu gün, 09:56Xarici İşlər Nazirliyi Faşizm üzərində Qələbə Günü münasibətilə paylaşım edibBu gün, 09:25Mehriban Əliyeva Faşizm üzərində Qələbə Günü münasibətilə paylaşım edibBu gün, 09:07Mingəçevir polisi əməliyyat keçirdi - Onlayn alış-veriş edənləri aldadan şəxs saxlanılıbBu gün, 08:54
Bütün xəbərlər